Global Publishers & General Enterprises Limited

Global Publishers & General Enterprises Limited ni kampuni binafsi iliyosajiliwa na kushughulikia uchapishaji wa magazeti ya kila siku nchini Tanzania. Kampuni inamiliki magazeti sita ya Amani, Championi, SpotiXtra, Ijumaa, Risasi na Uwazi yenye wito wa “Kampuni ya Magazeti Pendwa”. Magazeti yote yanatumia Kiswahili. Kampuni hii pia inamiliki Online Television inayojulikana kama “Global TV Online”

Maudhui ya magazeti ya Global Publishers & General Enterprises Limited yanahusu siasa, watu mashuhuri, hadithi fupi, burudani, michezo na umbeya, ni mambo yanayosababisha kuwa na aina ya uandishi wa habari za kusisimua za udaku.

Kwa mujibu wa Mamlaka ya Mawasiliano Tanzania (TCRA) (2018), kampuni ya Global Publishers & General Enterprises Limited inamilikiwa na Joachim Lusana Buyobe kwa 100%. Buyobe pia anamiliki Geita online TV kwa 100%. Hakuna taarifa zaidi kuhusu Buyobe.

Kwa upande wake Eric James Shigongo anaonesha kuhusika kwa karibu na kampuni. Anatajwa kuwa ni Ofisa Mtendaji Mkuu, Mkurugenzi na Msimamizi wa Global Group – wakati mwingine huwa ni mmiliki wa tovuti nyingi. Pia huwa anaitaja kampuni kwenye facebook yake. Nafasi yake haifahamiki kwa sababu wasifu wa kampuni yake haukupatikana katika Wakala ya Usajili wa Biashara na Leseni (BRELA) na kampuni hiyo haikujibu maswali ya mahojiano.

Shigongo amejipatia umaarufu kama mjasiriamali, mwandishi wa vitabu na msemaji. Amezaliwa Mwanza kwenye fukwe za ziwa Victoria, amekuwa na uthubutu wa mambo mengi, ikiwemo vyombo vya habari, hoteli, kilimo, milki na uendelezaji ardhi na majengo.

Kwa mujibu wa utafiti wa GeoPoll (2018), kuhusu kiwango cha wasomaji, Global Publishers & General Enterprises Limited inachapisha magazeti pendwa Tanzania kama vile Champion (XX.XXX%) (ni la 5 kwa wasomaji) pamoja na Risasi na Ijumaa, yenye XX.XXX% kila moja (nafasi ya 13 na 14) kati ya magazeti 28 ikiwemo magazeti makuu yanayochapishwa nchini.