Clouds FM

Clouds FM hujulikana kuwa “Redio ya Watu” ni kituo cha redio cha binafsi kilichopo Dar Es Salaam na kumilikiwa na Clouds Media Group inayoendesha pia clouds TV, Coconut FM na Choice FM katika tasnia ya vyombo vya habari vya kielektroni.

Clouds FM ilianzishwa mwaka 1998 kwa ajili ya burudani, ni miongoni mwa redio zenye hadhira kubwa nchini Tanzania. Katika utafiti wa robo mwaka ya pili wa Geopoll kwa mwaka 2018, kituo hiki kimekuwa cha kwanza kitaifa miongoni mwa vituo 20 kwa wingi wa hadhira / wasikilizaji (XX.XXX %). Utafiti huo pia umeiweka Clouds FM ya kwanza katika kanda zifuatazo: Kati (XX.XXX %), Pwani (XX.XXX %), Ziwa (XX.XXX %) Kusini (XX.XXX %) na Nyanda za juu Kusini (XX.XXX %). Kituo hiki pia ni maarufu sana, Dar es Salaam.

Clouds FM inayotangaza vipindi vyake kwa Kiswahili inasikika na kupokewa vizuri Dar es salaam, Mwanza, Arusha, Dodoma, Mbeya, Pemba, Mara, Tanga na Zanzibar.

Uungaji mkono na kusaidia muziki wa Bongo Fleva tangu mwanzo, matumizi ya masafa ya FM pamoja na programu bora vimesaidia kuongoza katika wingi wa wasikilizaji. Kituo hiki kinamilikiwa na Clouds Media Group ambapo Joseph Kusaga, mjasiriamali maarufu, na mwasisi mwenza, ni mtendaji Mkuu. Kusaga alianza kama DJ na alifanya matamasha na disko nchini kote Tanzania kabla ya kuanzisha kwa ubia C.L.O.U.D.S (Cool, Lovable, Outrageous, Unique, Dynamic, Sound) FM. Tangu kuanzishwa kwa CLOUDS, Kusaga ameendelea kujenga kampuni za vyombo vya habari zenye mafanikio, ukarimu na teknolojia. Mbia mwenzake kwa miaka yote Ruge Mutahaba ambaye bado ni Director of Strategy and Programs Development katika Clouds Media Group.

Hakuna data za kampuni zilizopatikana katika Mamlaka ya Mawasiliano Tanzania (TCRA). Kuna wasifu na kampuni kwa ajili ya Clouds Television katika Wakala ya Usajili wa Biashara na Utoaji Leseni (BRELA), kwa mujibu wa taarifa hizo , Alex Mkama, anamiliki hisa 25% kama Joseph Kusaga. Clouds Entertainment Limited inamiliki 50% ya Hisa.